176               TESTAMENTS ENREGISTRÉS AU PARLEMENT DE PARIS            (416)
aage ou sanz avoir enfens de son corps nez en loyal mariage, il lui substitua Marguerite, sa mere, et ycelle sa mere fist et fait par ces pre­sentes gouvernerresse de la dicte Doulce, sa fille, et de tous les biens de lui, jusques à quinze ans sans rendre compte, et, sela dicte Doulce, sa fille, ne se vouloit gouverner à la vouleu té et selon l'ordenance de la dicte mere du dit testateur durant et pendant le temps dessuz dit, il donna et laissa, et par ces presentes donne et laisse à ycelle sa mere la moitié de touz sez diz biens, voulant et consentant que en ce cas sa dicte fille soit contente de l'autre moitié.
Item, ou cas que sa dicte fille yroit de vie à trespassement sans hoirs descendans de sa char dedans l'aage de quinze ans, il voult et ordena que tous ses diz biens viengnent et appartiengnent à sa dicte mere, et ou cas que ycelle sa mere ne vivroit, que ilz viengnent et appar­tiengnent à Estienne, frere du dit testateur, et ou cas que ycellui Es­tienne yroit de vie à trespassement sanz hoirs descendens de sa char, il voult et ordena que touz ses diz biens soient et appartiengnent à Marie, sa seur, ou à son aisné enfant masle.
Item, voult et ordena le dit testateur que toute la mise et despense que maistre Aymery du Buisson, enl'ostel duquel il avoit esté et estoit malade des le jour qu'il avoit esté blecié, soit paiée bien et îoyalment, et que de toute ycelle, tant en mires et médecins comme en despense de bouche, de serviteurs, et aussy en la poursuite de faire prendre les malfaicteurs qui l'avoient batu et navré, le dit maistre Aymery soit creu par son serment, sanz neccessité d'en faire autre preuve.
Item, il laissa à Philippote qui l'avoit servi sa cote de racami.
Item, il laissa à Marot du Fol un pourpoint et un chapperon.
Item, il laissa au dit maistre Aymery ses Heures.
Item, ycellui testateur voult et ordena, que ou cas que une obliga­cion que Huguelin Malefaide de Brive lui avoit pieça baillée en garde et par laquelle obligacion le prieur de Tuelle estoit obligé envers le dit Huguelin en certaine somme de deniers, laquelle obligacion ycellui testateur avoit adirée, ne pouroit estre trouvée, ou que le dit Huguelin ne pourroit estre paié par le dit prieur de ce qui lui en est deu sanz